Татарстан Республикасында Бала хокуклары буенча вәкаләтле вәкил

“Психологик имгәнү кичергән балаларга психологик-педагогик ярдәм: тәрбияләү, алымнар, тәҗрибә”

2014 елның 30 гыйнвары, пәнҗешәмбе

Ятим балаларга һәм ата-ана тәрбиясеннән мәхрүм калган балаларга күрсәтелә торган психологик-педагогик ярдәм сыйфатын күтәрү максатында Татарстан Республикасының гомуми белем системасында 2014 елның 28 гыйнварында “Чистай балалар йорты” ятим балалар һәм ата-ана каравыннан мәхрүм калган балалар өчен дәүләт бюджет белем бирү учреждениесендә “Психологик имгәнү кичергән балаларга психологик-педагогик ярдәм: тәрбияләү алымнар, тәҗрибә” дигән республика семинары булды.
Татарстан Республикасының Мәгариф һәм фән министрлыгы әлеге чараны оештыручы булды.
Семинарда Татарстан Республикасының ятим балалар һәм ата-ана каравыннан мәхрүм калган балалар өчен белем бирү учреждениеләре укытучылары, тәрбиягә бала алган ата-аналар, Татарстан Республикасының Кама аръягы зонасындагы муниципаль районнар башкарма комитетларының опека бүлекләре белгечләре, опека, попечительлек һәм уллыкка (кызлыкка) алу республика үзәге, Татарстан Республикасында Мәгарифне үстерү институты, “Фатыйма” хатын-кызлар өчен кризис үзәге белгечләре катнашты. Семинар нәтиҗәлерәк булсын өчен эш секцияләрдә адып барылды.
Тәрбиягә бала алучы ата-аналарны психологик әзерләүне тормышка ашыручы укытучы-психологлар өчен секция эшендә Татарстан Республикасында Мәгарифне үстерү институтының педагогика һәм психология кафедрасы мөдире Сибгатуллина Ирина Фәһим кызы һәм “Фатыйма” хатын-кызлар өчен кризис үзәгенең әйдәүче психологы Ибраһимова Венера Зөбәер кызы катнаштылар. Алар балаларны зарар китерүче факторлардан саклау, укытучыларның психологик-педагогик компетентлылыгы мәсьәләләрен, ата-ана каравыннан мәхрүм калган, ятим балаларга, шулай ук гаиләләргә тәрбиягә алынган балаларга белем бирүче укытучыларның квалификациясен күтәрүнең кайбер аспектларын тикшерделәр.
Опека һәм попечительлек органнары белгечләре, тәрбиягә бала алган ата-аналар өчен секция эшендә Татарстан Республикасы Мәгариф һәм фән министрлыгының опека, попечительлек һәм педагогик яклау бүлеге начальнигы Мусабирова Зөлфия Вазыйх кызы һәм Татарстан Республикасы Мәгариф һәм фән министрлыгының опека, попечительлек һәм уллыкка (кызлыкка) алу республика үзәге директоры Хәбибуллина Диана Рәис кызы катнаштылар. Секциядә катнашучылар тәрбиягә бала алган гаиләләрне оптималь озату мәсьәләләрен актив һәм кызыксынып тикшерделәр.
Семинарда катнашучылар Татарстан Республикасында шундый семинарлар оештыруның вакытлы һәм зарур булуын әйтеп үттеләр.

БАРЛЫК ЯҢАЛЫКЛАРНЫ УКУ